EIR

Ný heimasíða

Mon, 28 Aug 2006 20:20:36 GMT

Sæl öllsömul og gleðilegt nýtt skólaár :haha:

Vil bara benda fólki á að þessi síða er ekki lengur í notkun þar sem við erum komin með þessa líka fínu undirsíðu á fsha síðunni þar sem allar fréttir, tilkynningar og að maður tali nú ekki um myndirnar munu koma inn :)

Kv. Sísí

fleiri myndir

Wed, 17 May 2006 14:11:21 GMT

Sæl öll sömul og takk fyrir síðast! :)

Ég er búin að skella inn myndunum sem Rebekka tók á föstudaginn ....dálítið mikið af einkahúmor og sjálfsmyndum en það verður víst að hafa það :$ En myndirnar eru allavega hér.

Annars segi ég bara takk fyrir frábæran vetur, hafið það æðislega gott í sumar og vonandi verður næsti vetur enn skemmtilegri ....þ.e.a.s ef það er hægt! :haha:

Kv. Sísí

myndir

Mon, 15 May 2006 22:54:44 GMT

jæja nú fer eitthvað að koma af myndum frá því á föstudaginn...
stal hérna myndum frá sísí og svo eru nokkrar hérna
ef einhver er með fleiri myndir þá endilega hafið samband:)

þetta var sko djamm í lagi!!

Sun, 14 May 2006 00:51:31 GMT

já elsku dúllurnar mínar, takk fyrir alveg hreint frábært djamm á föstudaginn og við í stjórninni erum ekkert smá ánægð með hvað það var góð mæting og góður stemmari á liðinu, algjör snilld. það var tekið slatti af myndum og munu þær koma hingað inn á næstu dögum og ef einhver annar en við í stjórninni er með myndir og vill deila þeim með okkur þá endilega látið vita.

Annars þá vonum við að allir hafi það gott í sumar og mæti svo hress á nýja önn í haust.

Gleðilegt sumar
kveðja stjórnin

PRÓFLOKADJAMM....

Sat, 06 May 2006 13:12:40 GMT

JÆJA BÖRNIN GÓÐ NÚ FER AÐ KOMA AÐ ÞVÍ!!

já þessum prófum fer nú að ljúka (þótt fyrr hefði nú verið!!) of að sjálfsögðu ætla allir að mæta í próflokagleðina sem verður sem hér segir:

STAÐUR: CAFÉ AMOUR - ÞAR SEM GLEÐIN RÍKIR

HVENÆR: FÖSTUDAGSKVÖLDIÐ 12 MAÍ.

TÍMI: GLEÐIN BYRJAR KL 22:00

*FRÍR BJÓR OG SKOT MEÐAN BIRGÐIR ENDAST*

*fyrstir koma fyrstir fá*

ÞEMA: LITAÞEMA

1. ÁRIÐ IÐJUR OG HÚKKUR = GULUR

2. ÁRIÐ IÐJUR OG HÚKKUR = APPELSÍNUGULUR

3. ÁRIÐ IÐJUR OG HÚKKUR = BLEIKUR

4. ÁRIÐ IÐJUR OG HÚKKUR = GRÆNN

*Leikir og vegleg verðlaun*

Kennara og áfangamat

Tue, 25 Apr 2006 12:44:52 GMT

já ég skil vel ef að prófstressið og lesturinn er að gera útaf við ykkur þessa dagana eeeen ég vil samt minna ykkur á að gera kennara og námsskeiðsmatið. ÞAÐ ER MJÖG MIKILVÆGT - if you want things to happen you have to make them happen!! það er ekki hægt að betrumbæta neitt nema við látum skoðun okkar í ljós. þá er ég ekki að tala um bara það neikvæða, það má líka benda á góðu hlutina og það sem fór vel. Það hefur margt gott komið út úr þessu mati, t.d var ákveðið að hafa fósturfræði og líffærafræði sem sitthvort áfangann og fær verkefni fram fyrir verknám til að auðvelda okkur lífið í verknáminu(svo fátt eitt sé nefnt) - þannig að þetta getur alveg skilað árangri.

komassooo....ágætt að taka sér 10 mínútna pásu frá lestrinum af og til og leggja ykkar að mörkum til að gera þennan skóla enn betri.

gangi ykkur vel í prófunum.....

p.s það verðurfeitt próflokadjamm 12 maí, en það verður auglýst betur von bráðar.

Ný stjórn FSHA

Tue, 04 Apr 2006 11:30:41 GMT

Á Aðalfundi FSHA var ný stjórn kjörin og lýtur hún svona út:

Formaður: Baldvin Esra Einarsson

Varaformaður: Steinþór Þorsteinsson

Skemmtanastjóri: Hildur Sólveig Elvarsdóttir

Meðstjórnendur: Ásgeir Már Andrésson, Haukur Árni Hjartarson, Hilmar Vilberg Gylfason, Rebekka Ingadóttir, Sigurlína Stefánsdóttir, og Þuríður Jónasardóttir.

Óskum við í Eir nýrri stjórn velgengis á nýju tímabili...

Aðalfundur FSHA

Fri, 31 Mar 2006 13:47:31 GMT

Jæja þá er aðalfundur FSHA í kvöld í Oddfellow húsinu.

Húsið opnar kl 18:30 og mun fundurinn byrja kl 19:00

Fyrst og fremst er verið að kjósa nýja stjórn. Hægt að sjá framboðinn á www.fsha.is

Svo kemur fráfallandi stjórn með tillögur af lagabreytingum.

Það er einnig mjög mikilvægt að fólk kynni sér BÍSN sem er Bandalag íslenskra námsmanna. En FSHA kýs nú um hvort að félagið eigi að verða aðildarfélag inní BÍSN. Ykkar atkvæði skiptir máli þannig að kynnið ykkur BÍSN á www.bisn.is

Á fundinum verða veglegar veitingar.

Eftir fundinn verður svo haldið á sveitaball í Hlíðabæ þar sem að hljómsveitinn LEGO mun trylla lýðinn... Sætaferðir verða frá Oddfellow kl 23:00 rúta og ball er 500 kr því bið ég ykkur að hafa 500 kr í lausu.

Sjáumst hress í kvöld

Aðalfundur FSHA

Wed, 29 Mar 2006 21:03:44 GMT

Loks kom í ljós að 3 frambjóðendur í næstu stjórn FSHA verða frá EIR og fögnum við að sjálfsögðu því :)

Hún Rebekka okkar Ingadóttir sem er 23 ára ung mær úr þeim fagra bæ Kópavogi. Rebekka stundar nám á 2 ári í Hjúkrunarfræði og stendur sig þar með stakri prýði. Hún sat þetta árið í skemmtinefnd og kom þar með margar góðar hugmyndir. Rebekka er mikil og skemmtilegur partý pinni, en hún fer oft á kostum á dansgólfi kaffi svita....

Hann Sigurður okkar Hólm ætlar einnig að bjóða sig fram í stjórn FSHA. Hann Siggi hefur komið víða við og hefur lært mikið. Hann er á 1 ári í Iðjuþjálfun þar sem hann er búin að heila stelpurnar í heilbrigðisdeild sem og kennara Heilbrigðisdeildar. Siggi heldur uppi síðu sem er mjög fróðlegt er að skoða www.skodun.is, hann er í aðstandafélagi aldraða sem er ný stofnað og auk þess er hann tengiliður 1 árs iðjuþjálfun inní EIR.

Sigurlína Stefánsdóttir er betur þekkt sem Sísí . En Sísí er Akureyringur í húð og hár... Hún er íþróttamanneskja mikil og fer að gráta í hvert skipti sem Arsenal tapar sem lýsir bara keppnisskapinu í henni. Sísí stundar nám við Háskólann á Akureyri nánari tiltekið hjúkrun á 2 ári. Sísí er meðstjórnandi í Eir og stendur sig sko með stakri prýði þar... Hún er gullmoli mikil og ávalt í góðu skapi og til í sprell

Nú hvet ég EIRARDÖMUR og HERRA að mæta á aðalfund FSHA sem verður næstkomandi föstudag kl 19:00 í húsi Oddfellow (þar sem að við tökum prófin ) Á fundinum verða lagabreytingar og kosningar og auðvitað verða veitingar í boði....

Allir að mæta og nota sitt atkvæði

aðra frambjóðendur má finna á www.fsha.is

pallborðsumræður

Wed, 29 Mar 2006 08:55:52 GMT

Miðvikudaginn 29. mars verða haldnar pallborðsumræður í matsalnum kl 11:40

Frambjóendur til næsta FSHA stjórnarárs koma og kynna sig og sín málefni

Við hvetjum alla áhugasama að koma og kynna sér málin.

málþing SHÍ og FSHA um samkeppnishæfni opinberu háskólanna á Íslandi

Mon, 27 Mar 2006 10:32:12 GMT

Stúdentaráð Háskóla Íslands og Félag stúdenta við Háskólann á Akureyri halda sameiginlegt málþing undir yfirskriftinni: “Samkeppnishæfni opinberu háskólanna á Íslandi”.

Málþingið verður haldið þriðjudaginn 28. mars samtímis í HÍ og HA með notkun fjarfundarbúnaðar.
Tilgangur málþingsins er að koma af stað upplýstri umræðu um sameiginleg málefni Háskóla Íslands og Háskólans á Akureyri. Þessir háskólar eiga það sameiginlegt að vera opinberir skólar sem innheimta ekki skólagjöld. Skólarnir standa frammi fyrir því að samkeppnisstaða þeirra við erlenda og innlenda skóla fer versnandi vegna ónógra fjárframlaga. Skólarnir þurfa því að verja stöðu sína í stað þess að sækja fram!

Dagskrá: Þingið hefst klukkan 12:20 og verður haldið:

í Reykjavík í húsi Endurmenntunar HÍ, Dunhaga 7
á Akureyri í stofu L201 í húsnæði HA á Sólborg v/Norðurslóð.

Flutt verða þrjú erindi, að loknu hverju erindi verða gefnar 5 mínútur til spurninga og í lok fundar verður opnað aftur fyrir spurningar til fyrirlesaranna.

Kl. 12:20 „Fjármögnun háskólanáms á Íslandi” - Ingjaldur Hannibalsson, prófessor við HÍ
Kl. 12:35 „Hvað er málið með alla þessa háskóla? Um þróun og stöðu háskóla á Íslandi” - Kjartan Ólafsson, sérfræðingur við Rannsóknastofnun Háskólans á Akureyri
Kl. 13:00 Samkeppnisstaða íslenskra háskóla - Margrét S. Björnsdóttir,
Kl. 13:15 Umræður

Þetta er áhugavert þing og hvet ég alla sem hafa áhuga á þessu að mæta....

Aðalfundur FSHA

Sun, 26 Mar 2006 18:24:22 GMT

Eins og vonandi flestir vita þá er aðalfundur FSHA næsta föstudagskvöld í Oddfellow húsinnu!!! Á þessum fundi er kosið um mikilvæg málefni sem varðar okkur öll og þvi er mikilvægt að sem flestir mæti og kjósi!! Ég hef einnig heyrt að það verði Bjór í boðinu!!! ekki verra það. Að loknum fundi sér rúta um að ferja mannskapinn í Hlíðarbæ þar sem verður dúndurdansleikur fram eftir nóttu!!!

Mér fannst tilvalið að setja link á kosningasíðu FSHA þar sem þið getið kynnt ykkur ágæti þeirra frambjóðenda sem gefa kost á sér ásamt lagabreytingum sem kosið verður um o.f.l.

Klikkið hér til að fara á kosningarsíðuna

Endilega kynnið ykkur þetta og mætið, kjósið, drekkið, borðið og dansið!!!!!!!!

p.s. ef þið eruð enn í vafa um hvort á að mæta þá hef ég heyrt það úr innsta hring að í kjörstjórn þetta árið verði einstaklega fagurt og kynþokkafullt fólk sem sérstakelga ánægulegt er að berja augum!!!!!!! nefnum engin nöfn!!!

Stal þessu af síðunni frá 3 árinu;) gott ár það ár;) en hún Soffía okkar er svo dugleg að blogga og við sem erum í þessari svo kölluðu Eirarnefnd erum það hins vegar ekki þannig að það er um að gera að stela bara blogginu frá henni Soffíu og skora á hana að bjóða sig fram í næstu Eirarstjórn:)

Loks komu góðar fréttir frá Frú menntamálaráðherra

Tue, 21 Mar 2006 13:12:33 GMT

Rektor Háskólans á Akureyri fagnar því að ríkisstjórnin hefur fallist á tillögu menntamálaráðherra um aukafjárveitingu að upphæð 60 mkr. til háskólans. Þar af eru 40 mkr. ætlaðar til greiðslu á húsaleigu og með því er komið að fullu til móts við þann aukna húsnæðiskostnað sem fylgir hinu nýja og fullkomna rannsóknahúsi, Borgum. Þá er háskólanum með þessari fjárveitingu gert kleyft að fjölga ársnemendum um 30-40 á árinu 2006, umfram þá aukningu sem þegar hefur verið heimiluð, og þar með skapað svigrúm til að bjóða upp á framhaldsnám í lögfræði sem hefst nú í haust. Jafnframt verður haldið áfram þeirri vinnu sem er í gangi við að hagræða og endurskipuleggja fjölmarga þætti háskólastarfsins með það að leiðarljósi að renna styrkari stoðum undir áframhaldandi uppbyggingu háskólans og enn meiri árangur. Við þá vinnu verða hagsmunir nemenda hafðir í fyrirrúmi og miðað við að námsmöguleikar þeirra skerðist ekki.

3x húrra fyrir hagsmunaráði fyrir að koma fjársveltinu á framfæri og svo fær rektor náttúrulega klapp fyrir sína framistöðu.....

Fundur um breytta stjórnarskipan innan FSHA

Mon, 20 Mar 2006 14:03:40 GMT

Vil bara minna á fund sem verður á morgun, þriðjudaginn 21. mars, í stofu K 202 þar sem fyrirhugaðar breytingar á stjórnarskipan FSHA verður kynnt. Mikilvægt er að kynna sér þetta fyrir aðalfundinn sem verður svo 31. mars.

Hvetjum sem flesta til að mæta.....

......

Wed, 15 Mar 2006 08:25:24 GMT

Því miður verðum við að fresta bjórkvöldinu á föstudaginn á kaffi Amour en vísindaferðin og karioke keppnin á dátanum standa enn og hvetjum við alla til að taka þátta í því. Munið skráningu í vísindaferðina á palina@fsha.is.

Góða skemmtun um helgina:)